Ipswich Town është e interesuar të nënshkruajë me sulmuesin e Bristol City, Anis Mehmeti, para mbylljes së afatit kalimtar.

Mesfushori ofensiv 25-vjeçar ka kontratë që skadon në verë, ndërsa Ipswich shpreson ta afrojë reprezentuesin shqiptar për të forcuar ambiciet e tyre për rikthim në Premier League, duke dobësuar njëkohësisht një rival direkt për ngjitje.

Nga ana tjetër, Bristol City dëshiron ta mbajë lojtarin për synimet e veta drejt “play-off”-it dhe është në bisedime për një kontratë të re. Megjithatë, Ipswich është e gatshme të sfidojë përpjekjet e klubit aktual për ta mbajtur Mehmetin.

Anis Mehmeti, i cili ka 3 paraqitje me Kombëtaren e Shqipërisë, iu bashkua Bristol Cityt në janar të vitit 2023.

Në këtë sezon të Championship-it, ai ka regjistruar 8 gola dhe 6 asistime në 27 paraqitje.

Sipas Transfermarkt, vlera aktuale e kartonit të tij në treg është rreth 10 milionë euro./Arbresh.info